Arrestohet një person i kërkuar në Shtime, ishte i dënuar me 20 ditë burg për vjedhje të pyjeve

15:03 | 24 Janar 2024
Rreze Sylhasi

Policia e Kosovës përmes një komunikate për media ka njoftuar se sot është arrestuar një person i kërkuar në Shtime.

Bëhet e ditur se i dyshuari është një 52-vjeçar, i cili ishte i kërkuar në bazë të urdhëresës së Gjykatës Themelore në Ferizaj për veprën penale ‘’Vjedhje e pyjeve ’’, me dënim burgimi prej 20 ditëve, shkruan Arbresh.info.

“Me datën 24.01.2024, rreth orës 14:00 në fshatin Petrovë të Shtimës , policët e stacionit në Shtime kanë arrestuar personin e kërkuar me urdhëresë të gjykatës, H.H (M/K), i moshës 52 vjeçar. Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’Vjedhje e pyjeve ’’  me dënim burgimi prej 20 ditëve. Pas kompletimit të dokumentacionit është dërguar në vuajtje të dënimit”, shkruhet në komunikatë.

Mes tjerash, Policia Rajonale e Ferizajt i ka ftuar qytetarët për bashkëpunim, saherë që kanë informacione për personat e kërkuar nga organet e rendit./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm